U Myntri Rangbah ka jylla, u Conrad K. Sangma mynta ka sngi u la leit ban ia kynduh ia u Myntri rangbah ka ri, u Narendra Modi, ha ka sien kaba nyngkong, kaba u la shimti biang kum u Myntri rangbah ka ri India, ha ka sien kaba lai, kaba dei hadien ba ka BJP ka la ioh synsar biang ha ka ri lyngba ka jingkyrshan ha ka lama jong ka (NDA).
Kumba la pynpaw da u Myntri rangbah ka jylla, u Conrad K. Sangma, ha kane ka jingiakynduh ia u myntri rangbah ka ri, u la kyrpad ban mang tyngka haduh T. 1000 klur na ka bynta ki kam pynroi ha ka New Shillong City Project, ba la buh thong ruh pynduna ia ka jingdheng kali bad kynthup ruh ban kyntiew ia ka pule ka puthi bad ki kam jngohkai pyrthei ha ka jylla Meghalaya bad ha ka thain shatei lam mihngi ka ri India.
