Kawei na ka jingjia ba sngewsih ka la jia mynta ka sngi u Blei haka por 1:30 PM, ha kaba kawei ka Kali Hyundai Eon, kaba don ia u registration number ML-05-J-8818, bad ba la niah da u Michael Jones Nohriang, 30 snem ka rt ana Pyndensohsaw, Mawsynram, East Khasi Hills ka la kylla khongpong katba ka dang wan na Shillong ban leit sha Bhoirymbong ha Ri Bhoi Distsrict.
Katkum ka kyrwoh ba la ioh lum, la ong ba kane ka Kali hadien ba la poi ha ka Shnong Umeit tba hap ha ka surok Shillong By-pass, u dribar ha ka jingpynher sted ia ka kali um shym la lah shuh ban tehlakam bad ka la kylla khongpong haduh 73 phut ban poi syndon sha ka kper ba thung jingthung. Ha kane ka jingkylla khongpong u dribar u la sahkut shapoh ka Kali.
Ka long kaei kaei kaba sngewsih, ha kaba une u dribar u la duh syndodn ia la ka jingim ha katei ka jaka, ba ka kjat ka la mynsaw jur ba sahkut hapoh ka Kali. Ki pulit ka Ri Bhoi ki la hiar mardor ban iarap bad ban sei ia utei u dribar napoh ka Kali.
Na ka liang ki bor pulit, halor kane ka jingjingjia ki la pynlong ia ka jingtohkit hadien ba la ithuh ia ka met utei u rangbah ba la khlad noh. Ia ka met la rah noh sha Civil Hospital Nongpoh ban pyndep ia ka postmortem examination. Ia kane ka Kali ba la julor la rah noh da ki Pulit sha Khapmara PIC bad ka jingtohkit halor kane ka jingjia ka dang iaid shakhmat.
