Ka Argentina ka la ioh ban rah ia ka nam lahduh ha ka Copa America 2024, hadien ba ka la lah ban pynliem noh ia ka Colombia da 1-0 bad ia katei ka shikol ba kordor eh jong ka Argentina, la thep da u Lautaro Martinez ha ka minit 112 ka Extra Time.
Ia ka jingiakhun phainal hapdeng ka Argentina pyrshah ia ka Colombia, la pynlong ha ka Hard Rock Stadium, Miami.
Haba phai sha katei ka jingiakhun phainal, ka dei ka jingiakhun kaba iakhaid eh bad ha baroh ki ar-kylla jong ka jingiakhun, ka la kut noh ha ka jingiakhaid kaba ym don kiba lah ban pynkhih jar.
Haba ka jingiakhut ka la kut ha ka jingiakhaid kaba ym don kiba pynkhihjar, la rah noh sha ka Entra Time kata shwa ban rah sha ka jingiashut Tie Breaker, hynrei ha ka jingiakhun ha ka Extra Time, ka Argentina ka la ioh ban thep kol ha ka minit ba 112 jong ka Extra Time bad kaba la pynlong syndon ia ka Argentina ba kan long kum ka lahduh ha ka Copa America 2024.
Ki khusnam shimet ia kaba la ioh da ki rangialehkai ha ka Copa America 2024, ia ka nam rangialehkai ba kynsai la ioh da u James Rodrigez, u Lautaro Martinez kum u rangialehkai ban ioh thep bun kol bad u Emilliano Martinez kum u rangapkol ba kynsai.
