Khliehriat Naitung 30: Ki Pulit ka East Jaintia Hills mynta ka sngi ki la hap ban siat da ka tear gas lane ka lyer pynsad khmat ia ki paidbah, kaba dei hadien ba la mih ka kynrum ka kynram mynta ka sngi kata shi sngi shwa ban pynlong ia ka Public Haring ka Shree Cement kaba thmu ban buh Cement Plant ha Lum Syrman, Daistong, ba hap ha ka East Jaintia Hills.
Kumba la ioh lum jingtip, ka sorkar lyngba ki bor District ki la thmu ban pynlong biang ia ka Public Hearing jong ka Shree Cement ha ka 31 tarik u Naitung 2026 bad mynta ka sngi pat la mih ka huri hura ba la don ki riew paidbah kiba la sdang ban pynwit ia katei ka public hearing da kaba khang ia ki lynti bad buh ruh da ki dieng bad ki maw.
Pule ruh:Ai Jingthoh Ka Seng Ki Longkmie Sha U Dc Ban Pyrshah Ia Ka Public Hearing Ka Shree Cement
La ioh lum jingtip ba ka huri hura mynta ka sngi ka la mih haduh ba ki Pulit ki la hap ban pyndonkam da ki tear gas ban siat ia ki paidbah kiba thmu ban pynthud ia katei ka public hearing bad la sakhi ruh ba da ki spah ngut ki paidbah kiba pyrshah ia kane ka public hearing ki la wan poi sha katei ka jaka bad ki Pulit ki la khang lynti bad namar ka jingdon ka jingpyrshah na ki paidbah ki la hap ban siat da ka tear gas lane ka lyer pynsat khmat.
Peit ruh:
