Khliehriat, Naitung 31: Tang na ka daw ka jingtih thliew iaka surok na ka jingiaklumar jongka Public hearing ka Shree Cement ha East Jaintia Hills District, kawei ka longkmie ka la hap kha khyllung ha ka Kali khlem da poi sha Jaka ai jingsumar na ka daw bym lah iaid shuh ka kali ba la tih syndon da ka thliew ia katei ka surok.
Kane ka jingjia ka la jia mynta ka sngi ha East Jaintia Hills ha kaba ia ka longkmie la hap ban pynkit na kawei ka kali sha kawei pat bym lah iaid shuh na ka daw ba la tih thliew ia ka surok kaba dei tang na ka jingiahuri hura ba mih na ka Public hearing ka Shree Cement ha East Jaintia Hills.
Peit ruh:
Kane ka apot ba la mad da katei ka longkmie ka dei ha ka sngi ba pynlong ia katei ka Public hearing bad khlem poi pyrkhat da jingiaklumar kiba pyrshah bad kiba pdiang ia katei ka Shree Cement ka la pynlong langknia pynban ia katei ka Longkmie kaba hap ban kha khun hapoh ka Kali.
