Shillong, Jymmang 23: Wat la ha kine ki khyndiat sngi kiba bun ki nongialam bad ki nongkyrshan u Bah Renikton Lyngdoh Tongkhar ki la wan ban pyniasoh sha ka NPP ba la kynnoh ruh ba ma u ruh kum u MLA u lah ban pyniasoh sha ka NPP, hynrei na ka liang u President ka UDP u Bah Metbah Lyngdoh ula kyntait ba kam don kum kata kaba  Bah Rinikton Lyngdoh Tongkhar un leit ban pyniasoh sha ka NPP.

Hab kren sha ki lad pathai khubor, u Bah Metbah Lyngdoh kum u President ba rangbah ka State UDP, u la la pynshai ruh ba um don jingtip ia kita ki nongkyrshan kiba pyniasoh sha ka NPP bad ki long laitluid ban leit kyrshan sha  kano kano ka party ba kam don ka jingteh jingkhum ia ki bad ha kaba ia dei bad u MLA pat ka ain ka don ban teh ban kum ia u.

Sa Pule Ruh | Sospon ka KHADC ïa u Ainam Manik Syiem kum u Syiem ka Hima Mylliem, thung bujli da u Alban Fedrick Syiem

“Kumba long haduh mynta kam shym la don kum kata ka jingkren ba u Bah Renikton Lyngdoh Tongkhar un leit ban pyniasoh sha ka NPP bad ki ju ia kynduh na ka por sha ka por bad ia kren ruh na ka por sha ka por halor ki kam ka party bad u Bah Renikton Lyngdoh Tongkhar ula pynshai ruh sha ka party ba um don kum kata ka jingthmu ban leit pyniasoh sha ka NPP” ong u Bah Metbah Lyngdoh.

Shuh shuh, u la bynrap ruh da kaba ong ba ka Party UDP ka ngeit skhem baka jingkhlain ka party ka dei na ka jingkyrshan ki paidbah bad kum ka party ruh ka khmih lynti ne angnud ba ki seng riewlum kin don ka jingiatylli ne ban iatrei lang na ka bynta ban shakri ne trei ia ka jingdonkam u paidbah hapoh ka jylla.

Sa Peit Ruh