Khliehriat, Naitung 31: Ki Nongialam ki 3 tylli ki seng ba kynthup iaka Jaintia Students Union, ka Jaintia National Council bad ka Hima Sutnga Youth Federation mynta ka sngi ka la pynrem jur halor ka jingleh ki Bor pulit bad kito ki Nongkyrshan ka Shree Cement kiba la khang lynti da kaba tih thliew ia ka surok tang ban khanglad ia kito kiba pyrshah ia ka public hearing ka Shree Cement ha Lum Syrman.
Kitei ki nongialam ki la kynnoh ruh ba ka Company Shree Cement ka la pyndonkam ruh da ki runar (Gang) ban ialeh pyrshah ia kito ki kynhun ba pyrshah ia ka Public hearing ka Shree Cement bad da kaba khamg lynti bad ialeh pyrshah kito ki kynhun ba pyrshah kim poi shuh sha ka jaka ba pynlong ia ka Public hearing ha Lum Syrman, Daistong.
Ki la kynnoh ruh ba ka Company Shree Cement ym tang ba ka pyndonkam da ki runar bad ka ioh jingkyrshan ruh naduh ki bor pulit, ka bor synshar District bad ka Sorkar bad lada kam dei kumta balei hap khang lynti ne pyrshah ban wan ki kynhun ba pyrshah iaka Shree Cement khlem da ioh ban pynpaw ia ka jingsngew jongki.
Na ka liang u Vice President ka JNC u la dawa ruh ia ka sorkar bad ki bor pulit ban pynlait noh ia u President ba la kem da ki Pulit naduh hynnin ka sngi khlem da teh kyndon bad lada kim pynlait ka seng kan pynlong noh daka jingiakhih kaba jur ban dang pyrshah sorkar bad ia katei ka Company Shree Cement.
Peit ruh:
Shuh shuh ki la ong ruh ba kito ki nongshong shnong ba shah ktah na ka jingwan ka Shree Cement ba thmu buh Cement plant kim dei ban duh mynsiem bad na ka liang ki seng kin kyrshan ia ki bad kin dang iakhun ban khanglad ia katei ka Company Shree Cement.Mih ka jingkhang lynti, kawang maw, julor ki Kali shwa ban sdang ka Public Hearing ka Shree Cement
