Nongpoh, Ïaiong 19: Ka Jingïakynduh lang jong ki Rangbah Balang Katholik ka la long shisha kaba shongkun ha kaba da ki Hajar ngut Ki paidbah riewngeit jong ka Balang Katholik ki naki 8 tylli ki zone kiba hap hapoh ka shillong archdiocese ki la tuid sha kane ka lympung kaba la tip kum ka Ka Annual Meet kaba 17 jong ka Synjuk Ki Seng Rangbah Katholik Shillong Archdiocese ïa kaba la pynlong Assumption Church Parish Nongpoh kaba hap haka Zone VI.

Ïa katei ka jingïakynduh lang ki Synjuk Ki Seng Rangbah Katholik Shillong Archdiocese ki paid riew ngeit jong ka Balang Katholik kiba na jan bad na jngai ki la wan ban sakhi lang Ïa kane ka sngi dakaba Ïa shim bynta lang haka jingshakri mass hakaba u Archbishop Victor Lyngdoh kum khliehduh ka Balang Katholik, u la ïoh ban tyrwa ïaka mass ba khuid haka jingïaseng kaba nyngkong.

Ïa katei ka lympung jong ka Synjuk ki Seng Rangbah Katholik Shillong Archdiocese kaba 2 sngi la pynlong halor ka Phang pdeng “To ngin ym sngewthait ban leh ïakaba bha, lada ngim leh swai, haka ïa kaba biang ngin sa ioh la ka bainong”, kaba la pynshong Nongrim lyngba Golatia 6:9.

Ha kane ka Jingïaseng Nalor u Archbishop Shilllong Archdiocese Victor Lyngdoh la ïadonlang ruh da u Bishop Synrop Shillong Archdiocese u Rev. Bernard Laloo, Father Peter Syiemlieh Parish Priest Nongpoh Parish, Fr Andreas Pariat, Spiritual Director Shilllong Archdiocese, Ki Sister, Ki Brother, Ki Ki Nongïalam jong ki Zone bapher bapher lem bad ki MLA bad ki MDC Naki Constituency bapher bapher.

Haba kren ha katei ka jingïakynduh lang jong ki Rangbah U Bishop Victor Lyngdoh u la ong, Phi dei ki Rangbah jong ka Balang bad Phi dei ruh ki Rangbah ki ban Shakri ïaka Imlang ka sahlang bad lada Synjor ki Rangbah kan synjor ruh ka imlang ka sahlang.

U la kren ruh halor ka jinglong kaba kum ki Rangbah ki dei ban long kiba don ka burom bad ki ba ïa ryntih ïalade, naduh ka bam ka dih ka riam ka beit ka ïaid ka ïeng, ka tip Briew tip blei bad lada baroh ki Rangbah ki long kiba ryntih kumta kiwei ruh ki burom ïaki bad Kine baroh kidei ki kam jong ki Rangbah.

U Bishop u la kren, Ïa baroh ki Rangbah La khot ïaki ban Shakri, Kumta shakri ïa u Blei,  Shakri ïaka Balang, Shakri ïaka imlang ka sahlang bad Shakri ruh ïaka iing ka sem bad ki Rangbah ki dei ban ai ka jingshakri kaba bha bad ka Shakri ka ba dei bad ki dei ruh ban long kiba shlur ban Shakri ïaka jingshisha.

U Bishop u la kyntu ruh ïa baroh ki Rangbah ba kin Ïalap ïaki kam ki ba bha sha ka imlang ka sahlang khnang khnang ba baroh kin tip ba phi dei u nongbud jong u jisu, bad kum ki Rangbah ngim dei ban thait ban Shakri bad ban lehbha namar lada thait ban leh ïaki kam kiba bha kin sa wan lynshop ki kam sniew.