SHILLONG, Rymphang 23: U Myntri rangbah ka jylla u Conrad K. Sangma mynta ka sngi u la pynrem jur halor ka jingjia ha Delh Malviya Nangar kaba la pynmih ia ka jingsngewpher jaid bynriew, ha kaba 3 ngut ki riew kynthei na Arunachal Pradesh la kynnoh ba ki shah thombor bad kum kine ki kam thombor ia ki kynthei ki dei ki kam  kiba ym lah ban pdiang bad ka paw ruh sha ka pyrthei ba ka ri  India ka dang dei ka ri kaba sahdien lada don kumm kine ki jingjia.

“Kane ka jingjia shah thombor ki kynthei kaba dang shu dep jia shen ka dei ka jingjia kaba ym poi pyrkhat ban jia bad kaba ym lah ban pdiang bad ka jingpyndokam ia ka ktien lane ka rukom leh jongki ka long da shisha kaba sngewsih ba kaba yn nym lah satia ban pdaing” ong u Conrad K. Sangma, bad bynrap ruh ha kane ka ri kaba la khleh bun jaid ki jaid byrriew ngi hap ban ia burom iwei ia iwei” u la bynrap.

Kum u myntri rangbah ka jylla Meghalaya, u Conrad K. Sangma u la pynthikna ruh ban un shim khia da kaba tyngeh bad ban ai ka jingkyrshan ia kito kito ki lanot ba la shah ktah da kaba hap ban kren sha ki bor ba kham halor ban pynshitom ia kito ki briew kiba don kti ha katei ka kam thombor ia ki kynthei.