Nongpoh, Nailar 07: Kawei ka Trok kaba kit ia u Synsar ka la kylla bad bhen syndon ia kawei ka dukan shna taiar bad ka dukan sha haduh ba la julor lut phum.
Kane ka jingjia ka la Jia ha ka por 3 baje mynstep ha Unran Dairy, ha kaba u Dribar um lah shuh ban tehlakam ia ka Kali na ka jingkit khia ia u Synsar bad kaba dei ruh ha ka jaka ba long khun jong ka surok National Highway-6 ha Ri Bhoi District.
Kane ka Trok ka dei kaba don ia u number ML 05-G-2651 bad ba la niah da u Meplanlangki Mawthoh bad ha kane ka jingjia ym shim la don ba mynsaw ei ei lait noh ka jingjulor katei ka dukan shna taiar bad ka dukan shah ba la shah bhen ha katei ka Trok.
Na ka liang u trai dukan u Bah Banister Kharbihkhiew u la ong ba donbok Kane ka jingjia ha ka por mynstep ba ym pat don briew ba la shu julor ki tiar ki tar bad ka dukan bad la jin ba don briew la lah ban mih ki jingjia ba sngewsih.
U la iathuh ruh la kumno kumno la julor bad duhnong da ki lah halor ka jingjulor ki machine bad ki tiar ki tar ba la bhen da katei ka Trok.
