Nongpoh, Nailar 07: Da ka jingbuddien ki pulit ka Ri-Bhoi, uwei u briew ba don kti ha ka kam khaïi drok u la ngat ha ka shrip jong ki Pulit bad une u briew ba la shah kem ha ki pulit ka Ri Bhoi la tip kyrteng kum u Sirajul Haque (36) na Berpata jong ka jylla Assam.
Kumba la la pyntip da ki heh pulit ka Ri Bhoi, ki pulit ki la ioh kem ia utei u briew k adei hadien ba ki la ioh jingtip bad ruh ba ki la pynap shrip ban ioh bat ia kawei ka Scooty kaba don ia u number ML 10 C 4833, ha kaba ha ka jingtalasi ki pulit kila ioh ban kurup ïa u drok heroine uba khia kumba 49.44 gram bala thep ha 5 tylli ki synduk sabon.
Hadien ka jingioh kem ia une u briew bad ba la ioh kurup ia utei u drok, na ka liang ki Pulit ki la pyngngat ia une u briew ha ka kyndon jong ka NDPS Act bad ruh ba ka jingtohkit ban tih bniah ka dang iaid shakhmat.
