Shillong, Nailar 18: Ban dawa na ka sorkar jylla bad na ka sorkar kmie ban thaw ïa kita ki aiñ kiba khlaiñ ban ïada na ka jingwan rung tuh ki poi ei sha ki jylla bad ban dawa ban khynra naphang ïa ki poiei kiba wan sah beain ha ka jylla bad sha baroh ki jylla shatei lam mihngi ka ri India, ka Khasi Student Union mynta ka sngi ka la pynlong syndon da ka jingshong kyllainmungor ha Khyndailad na ka bynta ban ïa snoh kti lang bad ka North East Students’ Organization
Kane ka sienjam baka KSU ka shim kadei ban ïaid lang bad ka rai jong ka North East Students’s Organizaton kaba la pynbna ban pynlong daka jingïakhih shong kyllain mungor ha baroh ki nongbah ki Jylla ka Shathei Lammihngi.
Kane ka jingïakhih kadei ban pynsngew sha ki Sorkar Jylla bad Sorkar Pdeng ban teh lakam ïa ka jingrung kyrthep ki poiei ha katei ka thaiñ Shathei Lammihngi (North East) da kaba shna ïa ki aiñ ban pyrkhing ïa ka jingrung laitlan ki poiei.
Ha kane ka jingshong kyllainmungor ka KSU, la wan kyrshan lang ruh daka NESO bad HITO.
Na ka liang ki dkhot bad ki nongïalam ka kSU kum ka jigndawa ban tehpyrkhing ïa ki mynder, ki la rah ruh ryngkat ki Pla Card lyngba ki jingtoh bapher bapher ban dawa na ka sorkar ban ïada ha ki thain khappud bad kumjuh ruh ban dawa pyntreikam
