Shillong, Nailur 08: Katto katne sngi hadien ka jingïoh kurup ki pulit ka Anti Narcotics Task Force (ANTF) ïa ki Yaba tablet na kawei ka hotel kaba don ha Lapalang kaba la tip kum ka City Palace Inn kaba la shimwai da uwei u bar jylla uba la ithuh kyrteng kum u Rana Ahmed, na ka liang ka KSU Ranikor Circle ka la pynshai ba une u bar jylla u dei uba na Ri Bangladesh.
Haba pynshai ïa kane sha ki lad pathai khubor ha ka nohphai sngi ka 8 tarik Nailur, 2024, ha Shillong Press Club, u samla Marconi Thongni, President, u la ong ba u Rana Ahmed udei uba la donkti ha kine ki kam mynta la bun bun snem da kaba pynpaw ba u dei uba shong kurim ha Ranikor.
Nalor kata, u la pynpaw ka jingsngewnguh ïa ki pulit kiba la trei borbah ban lap ïa ki kam beaiñ jong u bad u la kyntu ba ki dei ban ïaleh katba lah ban kem noh ïa une u bar jylla.
