Kthong bad wad ïa uwei pa uwei u nongleh kam sniew, bthah u Amit Shah ïaki heh ophisar ka tnad pahara

U Myntri kam pohïing jong ka sorkar pdeng, u Amit Shah, mynta ka sngi u la lum da ka jingïalang bad ki heh ophisar ka tnad pahara jong ka ri bad kumjuh ruh ka tnad intelligence hadien ka jingbthei ha Delhi hajan Red Fort bad u la bthah ïa ki heh ophisar ka tnad ban “wad ïa uwei pa uwei u nongleh kam sniew” uba donkti shadien jong kane ka jingjia kaba la shim ruh haduh 13 ngut ki mynsiem briew bad bun ngut kila mynsaw.
Kum ban shu kdew hangne ba kawei ka kali i20 kaba don ïa number HR 26 CE 7674 kala kemding hajan Red Fort Metro Station Gate No 1 bad bthei syndon ha katei ka jaka kaba la wanrah ka jingiap briew kumba 13 ngut bad 24 ngut kila mynsaw jur ryngkat ki jingjulor ki iing ki sem bad ki kali.
Naka liang u Amit Shah u la pynthikna ruh ba baroh kiba donkti ha kane ka kam kin ngat haka jingpynsajia kaba tyngeh