Ha kawei ka jinglute kaba long thik kum haki phlim da ka kynhun gang kaba la suhbuit bha kaba la jia hynnin ka sngi Bengaluru, ka kynhun ki riew kieng atiar kiba la ak ïalade kum ki ophisar ka RBI (Reserve Bank of India) ki la bat ïa kawei ka kali thep pisa ATM hajan Ashoka Pillar ha Bengaluru bad rong tuh haduh 7 klur tam ka pisa haka por mynsngi mynshai khlem jingsalia bad jingtieng.

Katei ka kali kit pisa ka dang mih na HDFC JP Nagar Branch hynrei kawei ka kali Innova kala kah lynti ïaki bad mar mar ki nonglute kiba shong ha katei ka kali Innova kiba la hiar na katei ka kali bad kam ïalade ba kidei ki ophisar na RBI bad ki donkam ban talasi bad ban pynthikna ïaki kot ki sla bad thep ruh ïa baroh kiba shong ha katei ka kali kit pisa shapoh katei ka Innova ryngkat ka pisa kaba ki kit.

Shuh shuh kitei ki nonglute kila ïaid ruh lyngba ka Dairy Circle ha kaba ki iehnoh ïa kitei ki briew na katei ka kali kit pisa ha katei ka kala bad phet krad ryngkat katei ka pisa kaba don kumba 7.11 klur tyngka.

Naka liang ki pulit kila pynjur ha jingtalasi ha kylleng ki jaka bad la antad ruh ba kitei ki runar ki pyndonkam da ki number plate kiba thok bad bujli ruh ïaki kali ba kit ïa katei ka pisa khnang ba ki pulit kin nym lapdien satia ïaki.