Shillong, Nohprah 09: Ki Khasi ba sah hapoh ka Jylla Mizoram naduh ki snem 1920 hynne ka sngi kila kynduh ia u Myntri Rangbah ka Jylla u Conrad K Sangma ban phah tuklar halor ka jingslem ka Sorkar Jylla Mizoram ban ai jingithuh iaki jaka ba ki sah.
Ki Khasi ba sah ha Mizoram lyngba ka Khasi Welfare Committee haka jingialam daka Khasi Student Union (KSU) ka la dawa na u Myntri Rangbah ka Jylla u Conrad K Sangma ban iakren kyrkieh bad u Myntri Rangbah ka Jylla Mizoram halor kane ka kam.
Haba kren sha ki lad pathai khubor u General Secretary ka KSU u samla Donal V Thabah u la ong ba ki Khasi na Mizoram ki dawa ban ioh ia ki kot ki sla (Land Pata) khnang ba kin long trai noh ia ki jaka ba ki sah mynta Mizoram naduh ki snem 1920.
“Ki jaidbynriew Khasi kila im hapoh ka Jylla Mizoram naduh ki snem 1920 hashuwa baka Ri India ka ioh laitluid bad hashuwa baka Jylla Mizoram ka ioh iaka Jylla ba pura namar kata kila don hok ban ioh jingithuh noh kata daka ba ioh iaki kot ki sla jaka (Land Pata) naka Sorkar Jylla Mizoram” la ong u Samla Donald.
Na ka liang u Bah Paul teibor Miki Pajat u la iathuh ba ki don palat spah tylli ki longiing Khasi ha Mizoram.
“Ngi donkam ban ioh noh ia ki kot ki sla jong ki jaka (Land Pata) khnang ban long trai ia ki jaka ki pura ha ki jaka ba ki sah ha Mizoram”, u la ong.
