Nongpoh, Nailar 07: Ban kyrshan ne synniang na ka bynta ka imlang ka sahlang bad na ka bynta kito ki longing kiba duk ba kyrduh kiba ym ioh lad ban leit phah sumar sha ki doctor kiba bit ba biang, ka HNYF Western Zone hynnin ka sngi ka la pynlong da ka jingsumar ei ia ki paidbah ha CHC Patharkhmah ha Western Ri Bhoi.
Ia kane ka jingsumar ei la ia trei lang ryngkat ka ARHI Hospital bad ka CHC Patharkhmah, ha kaba palat 250 ngut ki paidbah ki la poi sha kane ka prokram ai jingsumar ei.
La sakhi lang ruh ha kane ka sngi da ka jingdon lang u Sordar Shnong ka Patharkhmah u Bah Petalman Thangkhiew, upresident ka PYC & SWO u samla Remington Syngkli, ka Dr. Incharge ka Patharkhmah CHC ka Dr. K. Lyngdoh lem bad kiwei kiwei ki riew rangbah.
Haba kren ha kane ka sngi, u President ka HNYF Western Zone u Bah Pynkhraw Makri bad u Secretary u Bah Teibor Thongni, ki la ai khublei ia ki paidbah kiba la wan sha kane ka prokam ai jingsumar ei bad ha kajuh ka por ki ai khublei ka Doctor ba peit ba khmih ia ka CHC Patharkhmah bad khamtam ia ka ARHI Hospital bad u Direictor katei ka Hospital, ba kane ka jingsumar ei ka la long kaba seisoh na ka daw ka jingiasnoh kti lang bad ka jingkyrshan jongki ia ka seng.
Ha kawei ka bynta, ki la buh ruh ka jingkyrpad ia ka ARHI Hospital ban buh noh ia ka Diagnostic centre ha Patharkhmah, khnang ba ki paidbah katei ka thain kin dup ioh jingmyntoi ha ka pang ka shitom.
