Nongpoh, Nohprah 11: Hapdeng ka jingkhriat tasam jong ka bneng ki nongïalam ka Hills Farmer Union, Ri-Bhoi District kila ap pdiang burom ïa u Bah Monlang Thangkhiew u ba la iohpdiang ïaka Farmers of the Year 2025 Award ha Umling bad ha CAU hadien ba u la wanphai na Nongbah Delhi.

Ha katei ka jingpdiang burom ki nongialalm ki la ai khublei bad pynpaw ka jing sngew kmen ba kane ka khusnam kaba u ioh ka long shisha ka burom ia ka iing ka sem ka shnong ka thaw, ka district bad ka jylla hi baroh kawei.

Ha katei ka sngi naka liang u Bah Alfonbirth Kharsyntiew General Secretary ka seng u ba la leit ruh ban bud lang ïa utei u rangbah sha Delhi u la pynpaw ba kane ka award kan dei ka award kaba ai mynsiem ia kiba bun ki nongrep bad ki samla kiba im da ka rep ka riang ba ki dei ban pynleit jingmut haka kam kaba ki trei bad kane hi kan ïalam ïaki sha kliar lum jong ka nam.

U la kyntu ruh ïaki para nongrep ba kin ieid ïaka kam bad long kiba tylli ban weng ïaki jingeh ba kum ki nongrep ki ïakynduh.

U Bah Monlang Thangkhiew haba kren ha kane ka sngi u la ai ka jingkhublei ba kyrpang ïa baroh ki nongïalam ka seng kiba la ap ban pdiang burom ïa u, bad kum u nongrep bad u nongri jingri um shym poi pyrkhat ban ioh pdiang ïa katei ka khusnam kaba don burom, hynrei ka jingtrei shitom bad ka jingieid jong u ïaka kam ka pynkhraw ïa u.