NONGPOH, LBER 04: Ki 3 ngut ki briew ba shong ha ka Local Taxi ba don ia u number ML-05-L-1483, la ong ba ki la mynsaw jur, kaba dei na ka daw ka jingiatyngkhuh bad kawei ka Tata Sumo ba kamai paidbah bad kaba don ia u number ML-06-A-8396, kaba la jia mynta ka janmiet ha ka por 4.30 pm ha ka surok Shillong By-pass kaba dang hap ha ka Shnong Umroi Nongrah.
Kumba la ioh lum jingtip, la ong ba katei ka Local Taxi ka dang wan na Bhoirymbong ban kiew sha Umiam bad kane ka jingiatyngkhuh ka la jia ha ka por ba katei ka Tata Sumo ka dang wan phai na Shillong ban leit sha Bhoirymbong.
Kumba la iathuh da ki briew ba shong ha ka Tata Sumo, la kynnoh ba u dribar ka Tata Sumo u la pyrshang ban kiar na katei ka Local Taxi katba u lah ei, hynrei ka rukom niah utei u dribar Local Taxi la iohi ba um lah shuh ban niah bha ia ka Kali na ka daw ka jingshoh u khawiang ba la wan rah kane ka jingjia ia tyngkhuh Kali.
La sakhi ruh hah kane ka jingjia, ka Local Taxi ka la jot hi phum ha ki bynta ba shakhmat bad katei ka Tata Sumo ruh ka la julor ha ki bynta ba shakhmat.
Shuh shuh, la ong ruh ia ki briew kiba la mynsaw ha katei ka jingjia aksiden bad khamtam eh ia kito kiba shong hapoh ka Local taxi, la rah noh ia ki sha Bhoirymbong CHC na ka bynta ban ioh ia ka jingsumar ki Doctor.
