Shillong, Nailur 06: U Myntri ka tnat Social Welfare u Bah Paul Lyngdoh hynne ka sngi ula plie iaka Good Samaritan cum Counseling Centre kaba don ha Khlieh Iewduh Shillong.
Kane ka jaka sumar, ka jaka pynlong duwai bad ka jaka ai Counselling iaki ba kyrni Drok kadei kaba la kyrshan daka tnat Social Welfare ka Sorkar Jylla Meghalaya.
Ha kane ka sngi la don lang u Principal Secretary ka tnat Social Welfare u Dr Sampath Kumar, u Superintendent of Police (SP) ka ANTF u Giri Prasad, u Vice Chairman ka Good Samaritan Society cum Counselling Center DS Nongrum u, ka Director & Jt. Sec ka tnat Social Welfare ka Kong Camelia Doreen nalor kiwei kiwei de.
Haba kren ha kane ka sngi u Bah Paul ula ong Center ka long kaba rit hynrei ki kam bad ka jingshakri ka ban ai kan long kaba iar ha baroh kawei ka Jylla.
U Bah Paul ula ong ba kane ki Counselling Center ki donkam ban iatreilang bad ki Dorbar Shnong ym tang ban iakhun pyrshah Drok hynrei ban wanrah ki jingai jinghikai pyntbit iaki samla ba kyrni Drok khnang ba kin nym leit phai shuh shaka lynti u Drok.
“Nga ai khublei ia kane ka Counselling Center namar nga thikna kane ka Centre kan long shisha ka jingkyrkhu iaka imlang sahlang khamtam iaki samla kiba la bakla lynti” la ong u Bah Paul.
Naka liang u Principal Secretary ka tnat Social Welfare u Dr Sampath Kumar ula ong ba ka jingiatreilang hapdeng ki Dorbar Shnong bad ka Sorkar kan iarap ban rat dkhong ia u Drok naka imlang sahlang.
“Nga ai khublei iaka Good Samaritan cum Counseling Centre kaba ka sdang ia kane ka kam ban iasyllok bad ban ai jingsumar iaki ba kyrni Drok khlem da donkam ban siew pisa” la ong u Sampath Kumar.
