Nongpoh, Nailur 25: Ha kawei ka jingjia Aksiden Kali ba shynkhei kawei ka Bus Night Super ka la kem ding haduh ba la ingkhong khaid, kaba dei hadien kawei ka Bike kaba don ia u Number ML 05 Y 3698 ka le leit ban tynrah ia katei ka Bus kaba don ia u Registration Number AS 01 GC 3288 haduh ba kan da kem ding bad ing khong khait.
Kane ka jingjia ka la jia hynnin ka miet ha ka por 10.30 pm ha ka surokbah National Highway-6 ha ki bynta jong ka sor Nongpoh, ba katei ka Bike ka la leit tynrah ia katei ka Bus kaba dang wan na Guwahati ban leit sha Silchar, ba katei ka Bus ka la kem ding bad utei uba niah ia katei ka Bike ruh u la ingkhong bad khlad syndon ha shen.
Utei u ba niah ia ka Bike la tip kyrteng kum u Barista Mylliemngap (29) na ka shong Umsawkhwan ha Ri Bhoi District.
Ha kane ka jingjia, kumba 50 ngut ki nongshong ha katei ka bus night super la lah ba pynlait na ka ding ba shyrkhei, kaba dei lyngba ka jingwan poi kloi ki pulit na Nongpoh bad ki Kali pynlip ding ruh ki la wan poi mardor ban pynlip ia ka ding kaba shyrkhei kaba la klang ha katei ka Bus. Wat la ki nongshong ha katei ka bus ki la lait na ka jingjia ba sngewsih, hynrei ki tiar ki tar bad ki jingdon hapoh katei ka bus ki la kylla dpei.
La lah ruh ban pynlip ia ka ding kaba la klang ha katei ka Bus, da ka jingtrei shitom ki bor pulit bad ki Kali pynlip ding kaba la neh da ki kynta.
Ia ka met jong utei u nongniah Bike la rah noh sha ka jaka buh met iap ha Civil Hospital Nongpoh.
Kumba la iathuh da ki briew kiba iohi, kane ka jingjia ka la jia ka dei tang namar ka jingiaid utei u nongniah Bike na ka surok bym dei ban iaid (Wrong Side), kaba u la leit ban tynrah ia katei ka Bus haduh ba ka la kem ding bad ia lade ruh u la khlad noh ka jingpluh ding katei ka Bus.
