Nongpoh, Nailur 22: Ha kawei ka jingjia aksiden kaba shyrkhei ha kaba kawei ka scooty kaba don ia u Registration Number ML 05 T 4679 ka la leit ban rung shapoh ka nala kaba don ha rud Surok jong ka Surok bah haduh ba ka scooty ka la sakut shapoh ka nala bad pra hi phom.
Katei ka jingjia ka dei kaba la jia mynta ka janmiet ha ka Surok bah National Highway-6 ha Ri Bhoi ha ki bynta jong ka Shnong Dulongnar hakaba katei ka scooty kaba la suba ba la niah pynher sted bha da u Nongniah ka dang wan na shillong bad hiar sha ki bynta ka Nongpoh ka la leit ban rung sha katei ka nala haduh ba ka stering jong ka scooty ka la sahkut shabar ka nala bad ka Scooty baroh kawei ka la rung bad sahkut shapoh katei ka nala.
Ha katei ka jingjia aksident u Samla ba la tip iaka kyrteng u Marïawan Kynta 27 snem naka Shnong Sohra uba niah ia katei ka Scooty U la mynsaw jur naki bynta jong ka khlieh, bad naka kti bad ka kjat bad la pynkit noh mar mar sha Civil Hospital Nongpoh naka bynta ban ai iaka jingsumar, Na ka liang ki Pulit ruh ki la poi mardor sha katei ka jaka ban tohkit bniah halor kane ka jingjia.
