Nongpoh, Nailur 27: Ki nongialam ka NPP Jirang Block, mynta ka sngi ki la pynkup burom ia u Bah Sosthenes Sohtun, uba dei MLA bad MDC Jirang, uba la long mynta kum u Myntri Sorkar bad uba dei peit ia ka tnat C&RD Block bad ha katei ka sngi ba ki la pynkup burom, ki la kyrpad ia u Bah Sosthenes Sohtun, ba un nangtrei bha shuh shuh, ym tang ia ka Jirang Constituency, hynrei ia ka Ri Bhoi bad ia ki paidbah ha ka jylla hi baroh kawei.
Ha katei ka sngi, ba ki la pynlong ia ka jingpynkup burom, ki nongkren bad kiba dei ruh ki nongialam ka NPP Jirang Block, ki la pynpaw ba u Bah Sosthenes Sohtun, u la ai ka jingshakri kaba bha eh na bynta ki paidbah Jirang Constituency, ha kaba ki shnong ki thaw ki la kylla dur naduh ba u Bah Sosthenes Sohtun, u la long kum u nongmihkhmat.
Lyngba jong katei ka sngi ba la pynkup ia u Bah Sosthenes Sohtun, ki nongialam NPP lem bad ki nongialam Shnong na ki bapher bapher, ki la ai da ki jingai sngewbha bapher bapher, ha ryngkat ka jingkitbok kitrwiang ba un nanglah shuh shuh ban ai ka jingshakri ia ki paidbah.
Ia katei ka jingpynkup burom ia u Bah Sosthenes Sohtun, la pynlong ha Iing Dorbar ka shnong New Jirang, ha kaba la sakhi da ka jingdon ki nongialam ka NPP Jirang Block bad Ri Bhoi, kiba kynthup ia u Bah Balawan Syiemiong, General Secretary ka NPP Jirang Block, u Bah Lurshai Kharnaior, General Secretary ka NPP Ri Bhoi, ki nongkitkam ka NPYF, Mahila NPP, ki nongialam shnong lem bad shibun ki riew rangbah jong ka thaiñ Ri Bhoi sepngi
U Bah Sosthenes Sohtun, haba u kren ha katei ka sngi, u la pynpaw ia ka jingsngewnguh ia ka jingpynkup burom bad uba la ai ruh ka jingkular ba un nangtrei bha shuh shuh ha ka ban shakri paidbah, kata ym tang ha Jirang Constituency, hynrei ia ka Ri Bhoi bad ia ki paidbah ha ka jylla hi baroh kawei,
