Nongpoh, Naiwieng 13: Ki pulit ka Ri-Bhoi, hapoh ka jingïalam u Senior Superintendent of Police, u VS Rathore, lem bad u Additional SP Bah Orville Massar bad kiwei ki pulit ophisar, ki la pynlong ka jingtalasi hynnin ka miet ha Umling, ha kaba ki la ïoh ban bat ïa kawei ka kali kaba pynmeh light VIP ha ka por ba dang talasi.

Ha ka jingtohkit da u SSP, la lap ba ka kali kaba don ïa u registration number AS 02 AM 6186 ka dei jong u Rakibul Hussain, uba long u MP jong ka Dhubri Lok Sabha Constituency. Hynrei ha katei ka por, utei u MP um shym don hapoh, hynrei tang u khun jong u, uba la pynmeh ïa ka light VIP bad pyndonkam bakla.

Naka liang u SSP u la phah mardor ban weng ïa ka light VIP na katei ka kali bad daiñ kuna, da kaba ong ba ym dei satia ban pyndonkam bakla ïa ka jinglong VIP lada um don lang uta u briew uba don hok ban pyndonkam ïa ka. Kane ka long kum ka jingpyrkhing bad maham pyrshah ïa ka jingpyndonkam bakla ia ka bor bad ka kyrdan