Nongpoh, Ïaiong 19: Katkum ka tyllong khubor ba la ioh lum mynta ka sngi, uwei u rangbah la kynnoh ba u la ngam jyllop ha ka wah Umran ba hap ha Umsning Police Station ha Ri Bhoi District.
La ong ba kane ka jingjia ka la jia mynta ka step ha ka por 8 baje tam ei ha kaba ki don lai ngut shi paralok kiba leit saitjain bad leit sum ha katei ka wah bad ym lah pat ban tip ba uwei napdeng jongki u la shah rong ha ka um haduh ba u la ngam jyllop bad duh syndon ïa la ka jingim.
Halor kane ka jingjia, ym pat lah ban ioh ïa ka jingtip kaba bniah la ka dei ka kyrteng ne ka shnong ba kitei ki briew ki wan Saitjain ha katei ka wah, hynrei ka jingtip ba la ioh lum la kynnoh ba uwei napdeng kitei ki shi paralok u la ngam jyllop bad duh syndon ïa la ka jjngim.
Halor kane ka jjngjia, ki Pulit ka Umsning Police Station ki la wan poi mardor sha katei ka wah ban sei ïa ka met utei u rangbah bad ki Pulitbki dang pynlong ruh ïa ka jingtip kaba bniah halor ka daw jong kane ka jingjia kiba dei katkum ki lynti ka ain.
