September 19: U nongrwai ba pawnam ka jylla Assam u Zubeen Garg u la khlad noh mynta ka janmiet jong ka sngi thohdieng katba u dang pynlut por ïalade ban jngi um ha Singapore hadien ba u la mynsaw, ha ka por ba u leit jngi um, haduh ba um lah shuh ban ring mynsiem bad la pynkit mar mar sha ka jaka sumar ha Singapore General Hospital hynrei u la khlad noh ha ICU, katba u dang shah sumar.
U Zubeen Garg u la don 52 snem ka rta, bad u la iehnoh shadien ia ka tnga jong u.
Kum ban shu kdew hangne u Zubeen Garg u la leit sha Singapore ban iashim bynta ha ka North East Festival kaba lai sngi kaba la thmu ban sdang mynta ka sngi thohdieng, hynrei ka long pynban ka khubor kaba kthang hadien ba ki doctor kila pynbna ba u la khlad noh ha ICU haka por kumba 2:30 eiei janmiet.
U tei u nongrwai ba paw ka jylla Assam u dei ruh u ba la shim bynta ban rwai haki phlim Bolywood bad shibun ki jingrwai haki ktien bapher bapher u ba ka thaiñ Shatei Lam mihngi bad kane ka jingkhlad noh u Zubeen Garg ka dei ka khubor kaba kthang ïa baroh ki briew kiba ieid bad sngewtynnad ïaki jingrwai jong u.
Naka liang u Myntri Rangbah ka ri, myntri rangbah ka jylla Assam bad kiwei kiwei ki myntri sorkar ryngkat ki riew ieid jingrwai kila pynpaw ka jingduhnong kaba khraw halor ka jingkhlad noh une u nongrwai ba pawnam ka jylla Assam u ba ka sap ka ba u don yn ym lah shuh ban ïapeiñ.
