Nongpoh, Nailur 18: U Bah Mayraldborn Syiem, MLA ka Nongpoh, hynnin ka sngi u la leit ban plie paidbah noh ia ka Labour Room ne jaka pynkha khyllung bad ruh ka Building OPD ba thymmai kaba don ha Marngar PHC, Ri Bhoi.
Lyngba ka jinglah u MLA ban plie ia katei ka jaka pynkha khyllung bad ruh ka Building OPD, ka la pynsuk ia ki paidbah kiba leit shim dawa ne shah sumar ha katei ka PHC, namar ka la janai ha ka rukom long ka Building bad khamtam eh halor katei ka jaka pynkha khyllung.
Haba plie ia katei ka Building lem bad ka jaka pynkha khyllung, nalor u MLA la sakhi ruh da ka jingdon u Pa’ïem Richard Syiem, Syiem ka Raid Marngar, ka Dr. A.R Marak, DMHO Ri Bhoi, ka Dr. J Syiem Senior Medical & Health Ophisar PHC Marngar, ka Dr. AJ Syiemlieh District Surveillance, kiwei ki ophisar, ki Rangbah Shnong lem bad kiwei kiwei.
Kitei ki ar tylli ki shnat treikam ka Marngar PHC bad kaba la ioh ban plie paidbah, la tei lyngba ka skim Meghalaya Health System Strengthening Project jong ka sorkar jylla ha ka jinglut kaba 69 lakh tyngka.
