Nongpoh, Nailur 18: Nongpoh, Nailur 18: Ki ar tylli ki seng bhalang na Ri Bhoi District ba kynthup ia ka Ri Bhoi Youth Federation bad ka Federation of Khasi Jaintia and Garo People na ka Byrnihat Circle ki la kyrpad ia ka sorkar Assam bad ka sorkar Meghalaya ba kin shim khia ba ym dei shuh ban shah pynthud ki nongleit nongwan lyngba ka surokbah National Highway kumba la jia mynta ka sngi ja Jorobat ba bun ki nongleit nongwan ki la shah ktah bad shah pynthud khlem da ioh rung sha Assam.
Kane ka jingkyrpad ki 2 seng kam dei satia tang ia ka sorkar Meghalaya bad ka sorkar Assam ban pynbeit mardor noh ia kine ki huri hura ba ktah ia ki nongleit nognwan, hynrei ka kyrpad ruh ia ki Tourists Association ka Meghalaya bad ruh na Assam ba kin ia kren pynbeit, namar lada long ha kane ka rukom ka jingshah ktah ka dei ia ki paidbah khamtam ha ka pang ka shitom, kiba pule bad kiba beh kam ha ki bynta jong ki kam bapher bapher.
Kine ki ar tylli ki seng ki la mih ban kyrpad naduh ka sor Assam bad sorkar Meghalaya bad kumjuh ruh sha ki Tourists Association ka Assam bad Meghalaya, ba kin pynbeit ia kane ka kam, ka dei namar ba ki la hiar mynta sha Jorobat bad la lap ba ka jingkhang ki Tourists Associaton ban rung ki Kali na Meghalaya sha Assam ka la ktah shisha ha baroh ki laing khamtam kito kiba beh kam kyrkieh kum ha ka pang ka shitom bad kiwei kiwei ki jingdonkam.
Na ka liang u Bah Kitborlang Suting President ka FKJGP Byrnihat Circle bad u Vice President ka RBYF Byrnihat Circle u Bah Franky Rani, ki la kyrpad jur naduh ki ar sorkar bad ki Tourist Association ba kim dei ban shim khia mardor ia kane ka kam bad lada ka dang bteng kiba jynjar bad ki mat jingeh ki dei ki paidbah.
