Shillong, Nailur 08: Ki 3 ngut ki Nongtuh kiba ju mlien ban kyndang ia ki Kali, ki dukan bad kiwei ki kam tuh ki la shah bat noh ha ki dkhot ka VDP jong ka Shnong Umphyrnai ha East Khasi Hills, kaba dei hadein ba ki la ia ap miet halor ka jingsuba ba ki don ki nogntuh kiba wan da ka Kali.
Kane ka jingjia ka la jia ha ka Shnong Umphyrnai ha kaba ki dkhot ka VDP ki la pynlong ia ka jingia ap miet ha ka miet jong ka sngi Saitjain, hynrei dei tad haduh ka por 4 baje ei ei jong ka step sngi u Blei ki la ioh ban bat ia kitei ki 3 ngut kiba la wan da kawei ka Local Taxi kaba don ia u number ML 05 Z 1605 ha kaba la suba ba ki dei ki nongdih drok bad kiba ju leh ruh ia ki kam tuh ki kam thiem.
Kitei ki 3 ngut kiba la shah bat ha ki dkhot ka VDP ka Umphyrnai ki kynthup ia u Sunil Mizar, 27 snem ka rta na ka Shnong Barapathar, Shillong, u Aku Sunar 26 snem ka rta na ka shnong Sohiong, Weilyngkut bad u Rishan Warjri na ka Shnong Umsning Proper, Ri Bhoi district.
Kumba la iathuh da u Rangbah dong ka Shnong Umphyrnai, u Bah Henry Dkhar, la ong ba la ioh ban kem ia kitei ki 3 ngut, ka dei hadien ba la pynlong ia ka jingpeitngor bad ka jingia ap miet bad dei ha ka por 4 baje ei ei mynstep ba la ioh ban kem ia ki ha kaba ha ka jingtohkit ki la phla ba ki dei kiba ju dih drok bad ruh kiba ju kyndang ia ki Kali bad ki dukan ban leh ia ki kam tuh ki kam thiem.
La iathuh ruh na katei ka Kali la lap ia ki Sound Box ba kit uh bad kiwei kiwei ki tiar kiba ki ju tuh ha kaba ki la phla hi ha ka jingtohkit ia ki bad ruh la lap ia ki tiar pynmynsaw kab ki ju pyndonkam.
Shuh shuh, la ia thuh ba la ai jingsneng ruh ia ki da kaba phah bom mar kylliang da u dieng kumba la sapriang ha dur khih sha ki rynsan social media bad hadien kata hadien ba la tohkit bniah la leit ban aiti noh ia ki sha ki sha ki Pulit ka Madanrting Police Station ban leh kaktum ki kyndon jong ka aiñ,
