Shillong, Nailur 18: U Bah A.L Hek MLA ka Pynthorumkhrah bad u Myntri barim ka jylla mynta ka sngi u la pynpaw ia ka jingsngewkhia kaba jur halor ka jingshah ktah ki paidbah ba leit ba wan, kaba dei hadein ba ka kynhun ki nongniah Kali na Assam ki la bat naphang ia ki Kali ba wan na Meghalaya khlem da shah ban rung sha Assam,
Haba kren shad ki lad pathai khubor mynta ka sngi, u Bah A.L Hek u la ong ba kane ka jingbat ia ki Kali paidbah ha ki surokbah ka ktah shisha, namar bun ki Kaliba kit nongpang ki leit ki wan lyngba kane ka surok bah bad kim don ruh ia ka hok ban bat ia ki Kali ha kano kano ka surok padibah khamtam ka dei ka surok National Highway.
U la ong ruh katei ka surok kam dei jong ka Meghalaya ne ka Assam bad ka dei ka surok jong ka ri, kaba baroh ki lah ban leit ban wan khlem kano kano ka jingpynthud bad kum kine ki jingjia dei ban shim khia mardor ban pynbeit namar kne ka ktah shisha ia kiba pang ba shitom bad kiba beh ia ki kam ba kyrkieh lada shah pynthud noh ha ka surok.
Shuh shuh, u la bynrap ruh ba ki Kali Tourists na Meghalaya ne Assam ki la don la ki jong ki permit ba la ai ka sorkar bad ki don ia ka hok ban iaid sha kane kano ka jaka bad lada pynthud kumne ka ktah lut ia ki paidbah ha baroh ki liang.
