Shillong, K’lyngkot 08: Ka Voice of the People Party (VPP) kum ka sain hima sima ba don ha ka liang pyrshah hapoh ka sorkar jylla, mynta ka sngi ka la pynpaw pyrthei ba kan dang ia bteng ban iai dawa na ka bynta ban pynrung ia ka ktien Khasi ha ka khyrnit ba phra  jong ka riti synshar ka ri India.

“Ka VPP Party kan nym kynran dien ban ia khun na ka bynta ban pynrung ia ka Ktien Khasi ha ka khyrnit ba phra jong ka riti synshar ka ri India” ong u Dr. Batskhem Myrboh, uba dei u Spokeperson ka party VPP ha ka jylla.

U la ong ruh ba ka Ktien Khasi ka dei kawei na ka ktien kaba la ia ryngkat dor bad kiwei ki Ktien kiba la dep pynrung ha ka khynit ba phra jong ka riti synshar ka ri bad ka VPP kan dang kan dang iai tien jingkhan sha ka sorkar kmie na ka bynta ban pynrung ia ka Ktien Khasi ha ka khyrnit ba phra jong ka riti sysnhar ka ri.

“Lada ia nujor ia ka Ktien Khasi bad kiwei kiwei ki Ktien ha ka ri ba la pynrung ha ka khyrnit ba phra ka riti synshar ka ri, ka ktien Khasi kam don shuh kata jingduna  bad ka la biang pura ban ioh rung noh ha katei ka khynit ba pra ka riti synshar ka ri bad ka party ka sngewlyngngoh halor kaeika jingthmu ka sorkar kmie ba kam lah ban pynrung ia ka ktein Khasi ha katei ka khynit ba phra ka riti synshar ka ri” ong u Dr. Myrboh.

Shuh shuh, u la bynrap ruh ruh ba ka Ktien Mizo ka dei ka ktien kaba la pyndonkam kum kata ka Official Language, hynrei haduh mynta kam pat rung ha ka kyrnit ba phra jong ka riti synhar ka ri, ha kaba dang donkam ban dang tied jingkhang sha ka sorkar kmie.