Shillong, Risaw 01: Ki Nongdie jingdie madan hynne ka step kila tur sha Ophis treikam ka Shillong Municipal Board (SMB) ban pynpaw ka jingpyrshah iaka jingslem ban ai iaki Certificate of Vending (COV) sha kito ki nongdie Mandan kiba ym pat ioh haduh kine ki sngi.
Kane ka jingleit tur ki nongdie jingdie madan kadei ruh ban pynpaw ka jingbym hun iaki jaka bala ai shaki nongdie madan kiba la ioh jaka ha MUDA Parking Lot bad ha jaka ieng kali pyrshah SBI Main Branch.
Kine ki nongdie jingdie madan kiba la tur sha Ophis SMB ki kynthup ruh kito kiba shong die jingdie haki thain Laitumkhrah, Civil Hospital Point bad Khyndai Lad.
Ki nongdie jingdie madan kila dawa naki bor Sorkar ban khot jingialang ba kyrkieh ia ka Provisional Vending Town Committee (PVTC) khnang ban iakren halor ka jingdon bun ki nongdie jingdie madan ki bym ioh iaki COV.
Haba kren sha ki lad pathai khubor ka Ka Kong Angela Rngad ka nongaibuit ka seng ki nongdie madan ka la ong, ba ki bym pat don ïa ka COV mynta ki la duh kamai da ki taiew bad mano ban bah-khlieh.
Ka la ong “Ka jingdawa ba hakhmat kalong ba ka Provision Town Vending Committee (PTVC) kadei ban shong mar mar mynta ban iakren halor ka jingbym ioh kiba shongdie madan ia ka Certificate Of Vending (COV) kiba dei hok ban ioh.
Shuh shuh ka la ong, ka jaka ba la ai bad pynshna ka sorkar ha jaka ieng kali hapoh MUDA kidei ban leit peit biang sa shisien, namar kam pat long kaba biang ban shongdie jingdie namar ki jaka ki long kiba rit haduh katta katta.
Da kaba byrngem ruh ba Lada kim khot ia ka PTVC mynta ban iakren halor katei ka mat, baroh ki nongdie madan kin nym kynriah na kane ka jaka bad ka jingiakhih kan dangkham tyngeh, la ong ka Kong Angela Rngad.
