Nongpoh, Nailar 01: Kum u Nongmihkhmat paidbah ka Jirang Constituency, u Bah Sosthenes Sohtun m ynta ka sngi u la pynpaw ia ka jingsngewkhia kaba jur, kaba dei hadien ba u la ioh jingtip bad la ioh ruh ia ka jingujor na kiba bun ki paidbah ba ka don kata ka jingsuba ba pyniaid ia ka Night Club bad ruh ka kam khalai beaiñ ha Queens Hotel kaba don ha ka Jorobat.
Haba ia kren bad ki Nongthoh Khubor, u MLA ka Jirang u Bah Sosthnes Sohtun u la ong ba bun ki paidbah ki la wan ujor bad pyntip ruh sha u kum u MLA ka thain da kaba kynnoh ba man la ka sngi Thohdeing, Sngi Saitjain bad ka Sngi u Blei la pyniaid ia katei ka Night Club bad ruh ka kam khalai beain ha katei ka Hotel.
Shuh shuh, u la ong ruh ba ha kitei ki sngi ki la ju don ki Kali ba remdor kiba ju pynieng ha katei ka Hotel bad halor ka jingsuba ba la pyniaid beain ia katei ka Night Club bad ka kam Khalai kum u MLA u la dep ban kren sha u Deputy Commissioner ka Ri Bhoi ban phah leit jurip, kaba dei halor ka jingkynnoh ba ka don ka jingpyniaid beain ia ki kam khalai bad ka Night Club ha katei ka Queen Hotal kaba don ha Jorobat.
