Nongpoh, Nailur 23: Da ka jingsynran lang u Myntri rangbah ka jylla Assam u Himanta Biswa Sarma mynta ka sngi la lah ban pyndep noh ia ka jingleh niam bad leh burom khatduh ia u Zubeen Garg. Kane ka jingleh u burom khatduh ka dei ruh hadien 5 sngi ba u Zubeen Garg u la khlad na ka jingngap jyllp ha Singapore.
Kane ka jingkhlad noh u Zubeen Garg ka la pyniam briew ia ki paidbah nongshong shnong ka jylla Assam ba la don ka jingleh burom tang hadien ba ka met jong u, ka la wan poi sha Guwhati bad tad haduh mynta ka sngi la sakhi ba da ki lak ngut ki paidbah ki la tuid sha ka jingleh burom khatduh ha Hatimura Kamarkuchi ba hap ha Metro Kamrup.
Ha kane ka jinglehniam ba khaduh ia ka met U Zubeen, la sakhi ruh da ki lak ngut ki paidbah ki ba la bud bad ap ha la ki bynta bapher bapher ban iohi iaka synduk kaba la buh iaka met iap jong u Zuben kaba la mih na Sarusujai Stadium bad ban kit sha kaja kaba la pynkhreh 10 bigas ha Hatimura Komarkuchi Sonapur naka bynta ban thang iaka met jong u kat kum ka jinglehniam Hindu.
Ha kane ka sngi, la sakhi ba ki paidbah kiba la ap tmang naduh ka por mynstep hajan ka jaka ban sakhi iaka jing lehniam ba khatduh ia u Zubeen bad la sakhi ruh ia u Myntri Rangbah ka Jylla Assam u Himanta Bishwa Sharma, u Kiren Rijiju u MP ka Arunachal, kiwei de ki minister kiba la wan ban ai mynsiem bad ban don bynta lem hakum kine ki por sngewsih iaki bahaing hasem.
Hadien ba la dep ban thang ia u dpei jong u Zubeen la rah pat sha Jorhat ha ryngkat ka jingiaid paidbah ban pyni ia ka jingburom ia une u rangbah uba la paw nam ha ka kam rwai bad ka tem ka put ym tang ha ka jylla Assam bad ha ka thain Shatei Lam Mihngi ka ri India bad ha ka ri India hi baroh kawei.
