Shillong, Nailur 24: U Chief Executive Member (CEM) ka Khasi Hills Autonomous District Council (KHADC) u Bah Shemborlang Pynjah, u la iehnoh kam noh na ka shuki kum u CEM ba la bynshet ha u naduh ba la thaw ia ka Executive Committee jong ka KHADC.
Ia kane ka khubor, la pyntip bad pyntikna da u Bah Powell Sohkhlet, u ba dei ruh u Executive Member ka KHADC bad ruh u nongialam ka party The Voice of The People (VPP).
Ha ka shithi iehnoh kam ruh, ba la phah sha u Chairman ka KHADC u Bah Strongpillar Kharjana, kaba dei halor kane ka jingiehnoh ia ka shuki kum u CEM u Bah Shemborlang Rynjah u la pynpaw ba ka daw kaba u la hap ban iehnoh ia ka shuki CEM ka dei namar ka jingbym koit bym khiah bad na ka bynta ka jingiaid beit ka kam u la bynshet sha ka party ban jied biang da uba thymmai uba ka party ka ibit ban shim ia ka shuki kum u CEM ka KHADC.
