Nongpoh, Rymphang 14:  Na ka bynta ban dang pynjanai ia ka jingshakri bad ban ioh jingmyntoi ki paidbah, ka ophis u Deputy Commissioner ka Ri Bhoi ka la shim kabu ban iasoi soskular ia ki 2 tylli ki Company ban iarpa ia ka Civil Hospital Nongpoh ha ki kam shakri ia kiba pang ba shitom bad ban iarap ia ka skul JNV Niangbari ban ioh ia ka bor jingshai lyngba ka Solar Power energy ha katei ka jaka pule ki samla pule.

Kane ka jingiasoh soskular ka ophis u Deputy Comissioner bad ki 2 tylli ki Company ki kynthup ia ka IOCL Company ba la ia soi soskular ban iarap ia ka Generator ha Civil Hospital Nongpoh bad ban pynioh ia ka Maternity Tables ha ki CHC bad PHC bad ruh ka Fundus Slide Camera ban pyndonkam haba don kino kini ki prokram ai jinghikai.

Kawei pat ka Company ba la iasoi soskular ban wan rah da ka Solar Power Energy ha JNV Schoool Niangbari ha Ri Bhoi Distirct ka dei ka North East Transmission Company. Ha kane ka jingiasoi soskular la don lang ruh ki nongmihkhmat na kitei ki Company ba kynthup ia ka Smt Malati Malakar, Sr Manager, HR, IOCL bad u Shri Niranjan Rabha, DGM ka NETC.

Haba kren sha ki nongthoh khubor, u Deputy Commissioner ka Ri Bhoi u la iathuh ba la de ban soi ia katei ka soskular bad kitei ki 2 tylli ki Company bad kane ka jingsoh soskular ka long ban dang pynjanai ia ka jingshakri ha kaba ia dei bad ka jingdonkam ha Civil Hospital Nongpoh bad ruh ha JNV Niangbari kiba ju mat jingeh na ka jingbym biang ka bording Ilektrik.

Kane ka soskular ba kitei ki 2 tylli ki Company ki la iasoi bad ka bor district ka dei lyngba ka CSR bad kyrmen skhem ba kane ka jingiasoi soskular kan ai jingmyntoi na ka bynta ka Civil Hospital Nongpoh bad ruh na ka bynta ka JNV Niangbari School, kiba donkam ia ka bording kaba thikna, ong u Abhilash Baranwal Deputy Commissioner ka Ri Bhoi.