Nongpoh, Naiwieng 11: Ka kynhun ki nongñiah kali kamai , kiba ju kamai na Nongpoh sha Byrnihat bad ter ter shaduh Jorabat hapoh ka lama ka Local Taxi Owners and Drivers Association, Nongpoh Region mynta ka sngi kila shim syndon daka sienjam ba tyngeh ban pynbna syndon ïaka jaka ieng ki taxi (Taxi Stand) kum ka jak aba lait naka jingdih duma ne ka No Smoking Zone namar ka jingdih duma haki jaka paidbah bad kumjuh ruh haki kali kamai ka long ka jingpynkheiñ aiñ katkum ka COTPA Act 2003.
Ha katei ka juh ka sngi naka liang ka Association kala sam ruh da ki Driver’s ID sha baroh ki nongñiah taxi kamai ban shngaiñ ki paidbah ba leit ba wan namar kumba la sakhi ba bun naki paidbah ki tieng bad syier ban shong kulmar haki kali namar ka jingjur ki kam sniew, ki kam lute bad ki jingjia bapher bapher bad lyngba kitei ki ID kan long ka jingshngaiñ pat ïaki nong shong kali kamai namar lada kim don ID kim lah ban kamai bad ka Association kan nym shah ïaki ban kamai khlem ki ID bad hakajuh ka por naka liang ka seng kala pynlait ruh ïaki Helpline Number ban pynsuk ruh sha ki paidbah haba ki don kano kano ka jingujor.
Ïa katei ka jingpynbna ïaka jaka ieng kali ka LTO&DA, Nongpoh Region la wan ban shimbynta da u Akash R Marak Assistant Commissioner ka Ri-Bhoi District kum u kongsan haka jingdonlang u Bah John P Nongrang MVI ka tnad Transport, Dr W Hynniewta Senior Dental Surgeon Civil Hospital Nongpoh, u Rubul Ali In charge ka Nongpoh Traffic Police, u Kamrul Islam OC Umsning Police Station, u Bah Jayson Lennox Nongrum President ka RBPC, ki nongïalam ka Association bad kiwei kiwei.
U Bah Vincent Sohkhwai kum u President katei ka kynhun ki nongñiah taxi kamai ha Nongpoh u la maham tyngeh ïa ki nongñiah kiba pynkheiñ aiñ bad lada lap ka association kan leh da kaba tyngeh ïa kiba dih duma hakitei ki jaka bala mana bad kumjuh ruh ba kin deng ïaki ID bad ki paidbah ki lah ruh ban kylli naki nongñiah la ki don ID ne em namar ki dei ban shong kulmar haki kali ba khlem da don ki ID ba biang bala pynkhreh da ka Association naka bynta ka jingshngaiñ jong ki.