Nongpoh, Naiwieng 10: Kum shibynta ban kynmaw burom ïaka sngikha kaba 150 snem jong u Sardar Vallabhbhai Patel uba la tip ruh kum u “The Iron Man of India”, Naka liang Ka Directorate of Sports And Youth Affairs  (DSYA), Meghalaya haka jingiasnohkti lang bad ka My Bharat, Meghalaya lem bad ka kynhun NSS mynta ka sngi ka la pynlong daka Jingiaid kjat kaba la tip kum ka “Unity March” kaba la sdang naduh na Indoor Stadium, Umlyngkdait bad Pynkut haduh Ha phyllaw jong ka Ribhoi College.

Kum ban shu kdew, Ïa kane ka ka Campaign kaba la tip kum ka Sardar@150 Unity-Campain la pynlait paidbah ïaka da u Dr. Mansukh Mandaviya u Minister ba dei peit iaka tnad Youth Affairs and Sports  haka 6 tarik jong u bnai Risaw 2025 ban kynmaw burom ïaka jingdap kaba 150 snem jong u Sardar Vallabhbhai Patel uba la tip ruh kum u “The Iron Man of India”.

Ka jingthmu jong kane ka Unity-Campain lyngba kane ka March ka long ban wanrah ïaka mynsiem jingïatylli, ka Mynsiem ïaleh bad ban don ïaka jingbah khlieh haka imlang ka sahlang.

Ïa kane ka Unity March kaba dei ruh kum shibynta jong ka Sardar 150 Unity Campaign la wan ban sakhi lang da u Bah A.L Hek MLA ka Pynthor Umkhrah bad u Myntri sorkar barim ka jylla kum u Kongsan, haka jingïadonlang U MLA ka Nongpoh Bah Mayralborn Syiem kum u Symbud kongsan, U Abhilash Baranwal , Deputy Commissioner ka Ribhoi, U Bah O Massar, Addl. SP ka Ribhoi, Kong B Rani, ADC Ribhoi, Michael Mate, Director ka My Bharat, Meghalaya bad la pynphuh pynphing ruh daka rwai ka siaw ba la wan ban ia shimbynta daki samla pule ka Skul Bah USTM.