Nongpoh, Naiwieng 11: U Myntri Rangbah ka sorkar jylla, u Conrad K. Sangma, mynta ka sngi u la leit ban plie paidbah noh ia ki kamra klas ba thymmai ha Ri Bhoi Synod College, kaba don ha Umsaitsning, ia kaba la tei lyngba ka skim Chief Minister Special Development Fund (CMSDF) ha ka jinglut kaba la kot sha ka T. 26,72,000.
Kum ban shu kdew hangne, ba ia katei ka Ri Bhoi Synod College, la plie ha u snem 2017 bad kumba ka long mynta, katei ka College, ka la nangkiew shakhmat shaphrang halor ki kam ban ai jinghikai ia ki samla kiba pule hapoh katei ka College.
Ha katei ka sngi, ba plie ia kitei ki kamra klas ba thymmai hapoh ka Ri Bhoi Synod College, la sakhi da ka jingdon u Bah Sosthenes Sohtun, Myntri ka Sorkar jylla, kum u symbud Kongsan, ki MLA na Ri Bhoi, kiba kynthup ia u Dr. Celestine Lyngdoh, u Bah Mayraldborn Syiem, u Damanbait Lamare, Charles Marngar, nangta u Pastor Precius Timung, Principal ka Ri Bhoi Synod College lem bad shibun kiwei ki riew pawkhmat na Ri Bhoi.
Haba kren ha katei ka sngi, u Conrad K. Sangma, ai jingiaroh ia kiba la don bynta ha ka ban tei ia katei ka College, kaba la long kum kawei na ki shlem ban ai jingnang jingstad ia ki samla pule ym tang ia ka thaiñ Umsning, hynrei na bynta ki samla pule hapoh ka Distrik hi baroh kawei.
Nalorkata, u Conrad K. Sangma, u la kular ruh ba un thawlad na bynta ban pynioh ia kiwei pat ki lad jingiarap bad kiba donkam na bynta ban nangpynjanai shuh shuh ia katei ka College, khnang ba kan long kum kawei na ki College kaba biang, na bynta ban ai jinghikai ia ki samla pule.
Lyngba jong katei ka sngi, ba ki nongpyniaid jong katei ka College ki la phah ia ka Memorandum sha u Myntri Rangbah na bynta ban pynioh ia kawei ka Auditorium Hall, ia kaba ha katei hi ka sngi u Conrad K. Sangma u la kular ban pynioh bad nalorkata, u la kular ruh ban pynioh tiar rem hapoh katei ka College.
Kiwei pat ki nongkren ha katei ka sngi, kaba kynthup ia u Bah Sosthenes Sohtun bad Dr. Celestine Lyngdoh, haba ki ai jingkren, ki la ai ka jingiaroh ia u Conrad K. Sangma, namar dei ha ka jinglong jong u kum u Myntri Rangbah, ba ka jylla ka kiew ha baroh ki liang, kata naduh haba iadei bad ki lynti iaid ne ki surok, ka pule puthi, ka koit ka khiah lem bad kiwei