Nongpoh Rymphang 16: Ka Thymmei Baiar Cluster Level Federation Women Multipurpose Cooperative Society Ltd, Umsning Cluster ha ka jingsnohktilang bad  Ophis Block Medical Officer Umsning C&RD Block  mynta ka sngi 16 tarik Rymphang ki la pynlong iaka NUTRITION MELA &HEALTH CAMP ia kaba la pynlong ha madam Umsning Town Dorbar.

Ia kane ka Nutrition Mela& Health Mela la wan Plie Paidbah da u Deputy Commissioner ka Ri Bhoi u Abhilash Baranwal IAS ha ka jingdon ryngkat u Bah R.Kynta COO MSRLS, u BDO ka Umsning C&RD Block u Bah Andrew Myrthong, U Bah Rocky Kylla Chairman Umsning Town Dorbar lem bad ki Nongkitkam ka Thymmei Baiar Cluster Level Federation Women Multipurpose Cooperative Society bad kiwei kiwei.

Kum ban pynpaw Kane ka Nutrition Mela& Health Mela yn pynlong ar sngi kata mynta ka sngi bad yn pynkut lashai ka sngi 17 tarik Rymphang, bad ka jingthmu hi ban Pynlong ia kane ka Mela ka long ban pynbiang ïa ki jingshakri ba kongsan ha ka liang ka koit ka khiah kynthup ïa ki jingpeit bniah, jingsumar ïa ki jingpang bad kiwei kiwei bad ban pynsngwthuh sha ka imlang sahlang halor ka jingdonkam jong ka koit ka khiah.