Nongpoh, K’lyngkot 08: Ka Hynñiewtrep Achik National Movement (HANM) mynta ka sngi ka la ioh ban pynskhem sa ia ki nongialam  ka Marwet Circle ha kaba la wanban pynskhem bad pynbam smai da u President ba rangbah ka seng u Bah Lamphrang Kharbani ha ryngkat ka jingdon lang u Vice President Bah Moon Dhar, Lewin syiemsad lem bad ka jingdon lang ki nongialam ka District kiba kynthup ia u Bah David Joy Kharjahrin. Sumarlang lyngdoh Vice President Ribhoi District bad kiwei de ki nongialam na ka seng kmie bad na Ribhoi District

Ia kane ka jingpyntian smai iaka shnat treikam ba thymmai kaba la tip kum kaHANM  Marwet Circle la pynlong hapoh ka ing dorbar jong ka Shnong Upper Jorbil Killing, hakaba la wan ban shim bynta da ki 20 ngut ki nongialam bad ki dkhot ba thymmai jong ka HANM Marwet Circle.

Kine ki nongialam ba thymmai ka HANM Marwet Circle na ka bynta ka samoi trei kam  jong u snem 2026 haduh u snem 2029, ki kynthup ia President ba la jied ia u Petrus Marak, General Secretary u Bah Makstar Tynsong, Adviser Pestre Marak lem bad kiwei ki nongialam bad ki dkhot ka seng.

Ki nongialam ki ba la kren hakane ka sngi da ka ktien Khasi, Jaitia bad Garo, ki la pynpaw ba dei ba don ki Khasi Jaintia bad ki Garo ha ki shnong khappud khnang ban lah ban iada ia ka khyndew ka shyiap haki thain khappud, namar ka khyndew ka syiap ki dei ka Ri ha kaba lada ym don shuh ka khyndew ka Ri ruh kala jah bad ki kam pynroi ruh kala duh jaid.

Shuh shuh, ki la kyntu ruh ia kine ki nongialam ba kim dei ban ailad iaki bar jylla ha kane ka thain ba kin tuh lut ia ki kam kamai kajih ban rah sha la ki jylla lajong, namar kine ki heh spah ki ba wan na kiwei ki jylla ki dei kiba pyniaid ia ka sorkar jylla ha kaba kat kaba ong maki ka sorkar jylla kan hap ban sngap ia ki, kynnoh katei ki nongialam ka HANM.