Shillong, Nailar 19: Kadei ka kamram jong ki nongaikam, la ka dei ka Sorkar Jylla, ki District Council lane ki Company riewshimet ban pynthikna ba ki nongtrei ki dei ban ioh iala ka tulop.
Ia kane la ong da u Myntri Sorkar uba dei ruh u Nongialam ka BJP u Bah AL Hek haba kynthoh iaka jingiakhih kaba dang bteng bala pynlong daki nongtrei ka Garo Hills Autonomous District Council (GHADC).
Lah ban kdew ba ki nongtrei ka GHADC kila shah pynduh tulop mynta la palat 43 bnai.
Haba kren shaki lad pathai khubor u Bah Hek ula ong ba kadei ka hok jong baroh ki nongtrei ban ioh iala ka hok (Tulop).
U Bah Hek ula kam ruh baka Sorkar ka leh iala kamram ban pynthikna ba ki nongtrei ka GHADC ki ioh tulop hynrei naka liang ki bor synshar (Executive Committee) ka GHADC ruh ki donkam ban trei borbah ban pynthikna ba ki nongtrei ki ioh iala ka tulop.
“Kadei ka kamram jong baroh ki nongaikam, kadei ka Sorkar Jylla, ki District Council lane ki Company shimet ban pynthikna ba ki nongtrei ki ioh tulop” la ong u Bah Hek.
Haba kylli u Bah Hek ula ong “Ngam tip la katne snem kumno bad da kaei ka GHADC ka siew tulop hynrei ngi donkam ban tih bniah, balei haduh 43 bnai ki nongtrei kim ioh satia iaka tulop”.
