Shillong, Nailur 25: U Bah Winston Tony Lyngdoh, MDC ka VPP na Nongthymmai, un sa shimti ia ka shuki kum u Chief Executive Member (CEM) ba thymmai ka Khasi Hills Autonomous District Council (KHADC), kata ka dei hadien ba u Bah Shemborlang Pynjah, u la iehnoh kam noh na ka shuki kum u CEM ka KHADC.
Ia ka jingpynshisha halor ka jingshimti u Bah Winston Tony Lyngdoh ia ka shuki CEM ka KHADC, ka dei lyngba u Bah Powel Sohklet, u EM bad uba dei u MDC ka VPP.
Ia katei ka rai ban jied ia u Bah Winston Tony Lyngdoh ba un long kum u CEM ba thymmai ka KHADC, ka dei ka rai ia kaba la mynjur lang da baroh ki MDC ka VPP.
